Türkiyə Superliqası: "Fənərbağça" doğma meydanda qalib gəldi

Futbol üzrə Türkiyə Superliqasında 31-ci turun növbəti oyunu keçirilib.

Teleqraf.com xəbər verir ki, çempionluq uğrunda mübarizə aparan "Fənərbağça" doğma meydanda "Adana Dəmirspor"la qarşılaşıb. Görüş İstanbul nəhənginin 4:2 hesablı qələbəsi ilə yekunlaşıb.

Günün digər oyunlarında "Sivasspor" "Fatih Karagümrük"ə 1:0, "Kasımpaşa" "Kaysərispor" 2:0, "Trabzonspor" isə "Konyaspor"a 3:1 hesabı ilə qalib gəlib.

Bu nəticələrdən sonra turnir cədvəlinə 84 xalla "Qalatasaray" başçılıq edir. "Fənərbağça" 82 xalla ikinci, 52 xallı "Trabzonspor" isə üçüncü pillədə qərarlaşıb.