Azərbaycan çaparı Olimpiya Oyunlarına doğru

Hazırda İspaniyada olan çaparımız Camal Rəhimov bu ölkədə keçirilən 13 mərhələli ibarət beynəlxalq reytinq yarışına (2 star ranking class) qatılır.

Gənclər və İdman Nazirliyinin mətbuat xidmətindən Teleqraf.com-a verilən məlumata görə, çaparımız 13 mərhələdən ibarət yarışın ilk mərhələsini keçərək maksimal 50 xalı toplayıb.

O, qarşıda digər 12 mərhələni keçməklə xallarının sayını artıraraq, Olimpiya Oyunlarına vəsiqə qazanmağa çalışacaq.

Qeyd edək ki, bu yarış 2016-cı ildə Braziliyanın Rio-de-Janeyro şəhərində keçiriləcək Olimpiya Oyunlarında iştirak üçün xal qazandırır.