Ancelotti "Milan"a qayıdır

"Real"ın baş məşqçisi Karlo Ancelotti növbəti mövsümdən etibarən "Milan"ı çalışdıra bilər.

Teleqraf.com xəbər verir ki, bu barədə "AS" məlumat yayıb. "Rossonerilər"in rəhbərliyinin baş məşqçi postuna namizədlərindən biri də məhz Ancelottidi.

Daha öncə mətbuatda 55 yaşlı mütəxəssisin "Mançester Siti" ilə anlaşdığı yönündə xəbərlər yayılmışdı.

"Milan"ın digər namizədləri Unai Emeri, Vinçentso Montella, Marçello Lippi və Antonio Kontedi.

Ancelotti 1987-1992-ci illər aralığında "Milan"ın formasını geyib. 2001-ci ildən 2009-cu ilə kimi isə o, "qırmızı-qaralar"ı çalışdırıb.

Rüstəm