İlham Əliyev Gürcüstanda işgüzar səfərdədir - Yeniləndi

Azərbaycan Respublikasının Prezidenti İlham Əliyev oktyabrın 24-də Gürcüstana işgüzar səfərə gedib.

Teleqraf.com xəbər verir ki, Azərbaycanın və Gürcüstanın Dövlət bayraqlarının dalğalandığı Tbilisi şəhərinin Şota Rustaveli Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.

Azərbaycan Prezidentini Gürcüstanın xarici işlər naziri İlya Darçiaşvili və digər rəsmi şəxslər qarşılayıblar.

***

10:55

Azərbaycan Prezidenti İlham Əliyev bu gün Gürcüstana işgüzar səfərə yollanacaq.

Teleqraf.com xəbər verir ki, bu barədə Gürcüstan hökumətinin mətbuat xidməti məlumat yayıb.

Məlumata görə, İlham Əliyev Gürcüstanın Baş naziri İrakli Qaribaşvili ilə görüşəcək.