9 Oktyabr 15:36
1 446

Müsavat Partiyasının sabiq başqanı İsa Qəmbər partiyanın yaxın günlərdə keçiriləcək qurultayı üçün namizədini açıqlayıb.

Teleqraf.com xəbər verir ki, İsa Qəmbər Müsavatın indiki başqanını dəstəklədiyini bildirib:

“Qurultayda səs verəcəyim, başqan kimi görmək istədiyim namizəd Arif Hacılıdır. Arif Hacılı Azərbaycanımızın ən təcrübəli, ən parlaq bioqrafiyaya malik siyasətçilərindən biridir”.

İsa Qəmbər seçimini belə izah edib: “Mənim seçimim Arif Hacılı ilə 30 illik dostluğumuza da bağlı deyil. Bu seçim dostluğa bağlı olsaydı, mən bunu Arif Hacılının bəlkə də mənim köməyimə ehtiyacı olduğu 2014-cü ildə nümayiş etdirərdim. İndi isə mən əminəm ki, mövqeyimi bəyan etməsəm də 9-cu qurultayda başqan seçkilərinin qalibi bəllidir”.

Qeyd edək ki, Müsavat başqanlığına digər namizədlər Tofiq Yaqublu və Yadigar Sadıqlıdır. İsa Qəmbərin namizədlərdən birinə açıq dəstəyi ciddi narazılığa səbəb olub.


Müəllif: Mənsur Rəğbətoğlu