Türkiyə və Azərbaycan onkoloqları Bakıda bir arada

Bu gün Bakıda ikinci Türkiyə-Azərbaycan onkologiya günləri konqresi öz işinə başlayıb.

Teleqraf.com xəbər verir ki, konqres Türkiyə Tibbi Onkologiya Dərnəyi və Azərbaycan Səhiyyə Nazirliyi Milli Onkologiya Mərkəzinin (MOM) təşəbbüsü ilə keçirilir.

Konqresdə onkoloji xəstəliklərin diaqnostikası və müalicəsinin ən aktual problemləri, habelə müasir onkologiyanın qarşısında duran vəzifələr müzakirə edilir.

İki gün davam edəcək konqresdə onkoloji patologiyaların diaqnostikası və müalicəsinin təfərrüatları, elm, tibb və səhiyyənin müxtəlif aktual problemləri, onkologiya qarşısında duran vəzifələr və onların potensial həlli yolları da daxil olmaqla, bir çox mövzular da sessiyalarda müzakirə ediləcək.