Bakıda Türkiyə universitetlərinin sərgisi olacaq

“Təhsil Cəmiyyəti”nin təşkilatçılığı və “Akademi Group” Xaricdə Təhsil Mərkəzinin dəstəyi ilə Bakıda Türkiyə universitetlərinin təhsil sərgisi təşkil olunacaq.

Teleqraf.com xəbər verir ki, oktyabrın 29-30-u tarixlərində 12:00-dan 17:00-dək Bakıda "Hilton" Hotelində təşkil olunan sərgidə Türkiyənin tanınmış dövlət və özəl universitetləri, həmçinin yataqxanaları iştirak edəcək.

Hər il təşkil olunan sərgidə bu dəfə də tələbələrə yüksək keyfiyyətli təhsil imkanı, yataqxanalar və digər məsələlər barədə ətraflı məlumat veriləcək, Türk universitetlərində pulsuz təhsil imkanları haqda da təqdimatlar keçiriləcək.

Əlavə olaraq, sərgi müddətində seminarların keçirilməsi də nəzərdə tutulur.

Sərgidə İstanbul Aydın , Bahçeşehir, İstanbul Kültür, Üsküdar Universiteti kimi Türkiyənin tanınmış ali təhsil müəssisələri iştirak edəcək.

Həmçinin tədbirdə Türkiyə səfirliyi və həmin ölkənin təhsil müşavirliyinin iştirakı da nəzərdə tutulur. Sərgiyə qeydiyyatdan keçmək üçün qeydiyyat formasını bu linkdən doldurun:

https://goo.gl/forms/YvFa35dr4aKRh7ss2