Bakıda dəm qazından zəhərlənmələr - KÜTLƏVİ

Bakıda nənə və nəvə dəm qazından zəhərlənib.

Qaradağ rayon Prokurorluğundan APA-ya verilən məlumata görə, hadisə Səngəçal qəsəbəsində qeydə alınıb.

Qəsəbə sakini, 50 yaşlı Səmayə Nəsirova yaşadığı evin hamamında nəvəsi, 6 yaşlı Nərmin Məmmədovanı çimizdirərkən hər ikisi dəm qazından zəhərlənib. Səmayə Nəsirova boğularaq ölüb, Nərmin Məmmədova isə ağır vəziyyətdə xəstəxanaya yerləşdirilib.

Bakıda dəm qazı daha bir nəfərin həyatına son qoyub.

Xətai rayonun Məhəmməd Hadi küçəsi, ev 109, mənzil 38 ünvanında qeydə alınıb. Həmin ünvanda yaşayan, 1964-cü il təvəllüdlü Qumru Əlirza qızı Qurbanova və bacısı, 1960-cı il təvəllüdlü Gülnar Əlirza qızı Qurbanova yaşadığı evdə dəm qazından zəhərləniblər.

Qumru Qurbanova ölüb, bacısı isə xəstəxanaya yerləşdirilib.