Türkiyəyə fahişəliyə qadın aparan 21 yaşlı qız tutuldu - ŞOK

Azərbaycanlı qadınları Türkiyədə cinsi istismara məruz qoyan 21 yaşlı qız saxlanılıb.

Teleqraf.com xəbər verir ki, İnsan Alverinə qarşı Mübarizə Baş İdarəsinin əməkdaşları tərəfindən keçirilən əməliyyat-axtarış tədbirləri nəticəsində Xızı rayon sakini, 1996-cı il təvəllüdlü Səbinə Qənbərova həbs edilib.

Səbinə Qənbərova Azərbaycan vətəndaşları olan qadınları Türkiyə Respublikasının Qars şəhərinə aparıb, orada insan alverinə məruz qoyması faktı müəyyən edilib.

Məlumata görə, Səbinə Qənbərova Qars şəhərinə 3 qadın aparıb. Faktla bağlı araşdırma davam etdirilir.

Qeyd edək ki, bir neçə gün əvvəl İnsan Alverinə qarşı Mübarizə Baş İdarəsinin əməkdaşları tərəfindən keçirilən əməliyyat-axtarış tədbirləri nəticəsində insan alveri ilə məşğul olan 20 yaşlı qız həbs edilmişdi.

Şirvan şəhər sakini, 1997-ci il təvəllüdlü Türkan Əliyeva azərbaycanlı qadınları Türkiyəyə apararaq cinsi istismara məruz qoymaq üçün mütəşəkkil dəstə yaratdığı və özü də həmin dəstəyə rəhbərlik etdiyi aydınlaşmışdı.

Hacı Zeynalov