“Bayıldan bayıra” - Faiq Balabəylinin yeni kitabı nəşr olundu

Tanınmış şair Faiq Balabəylinin “Bayıldan bayıra” adlı yeni nəsr kitabı çap olunub.

Kult.az xəbər verir ki, kitabda müəllifin son illərdə qələmə aldığı “Lənətlənmiş həyat” povesti, hekayələri və publisistik yazıları yer alıb. Yazıların əsas məğzini insan ömrü, taleyinə zindan həyatı düşən müəllifin şəxsən görüşüb söhbət etdiyi qəhrəmanların acı həyat hekayələri təşkil edir.

Qeyd edək ki, kitabın redaktoru yazıçı Pərviz Cəbrayıl, korrektoru Aytəkin Səfərlidir.