Azərbaycana səfər edənlərin sayı artıb - Statistika

Turizm sənayesinin inkişafı üçün yaradılan şərait, Mədəniyyət və Turizm Nazirliyinin bir sıra ölkələrdə turizm nümayəndəliklərinin fəaliyyət göstərməsi ölkəmizə turist axınının ildən-ilə artmasına səbəb olub.

Mədəniyyət və Turizm Nazirliyinin mətbuat xidmətindən Teleqraf.com-a verilən məlumata görə, 2017-ci ilin birinci yarısında ölkəmizə 1 milyon 199 min 667 nəfər xarici vətəndaş səfər edib.

Bu göstərici 2016-cı ilin eyni dövrü ilə müqayisədə (966 min 497 nəfər) 24 faiz artım olduğunu göstərir.

Qeyd etmək lazımdır ki, cari ildə Azərbaycana səfər edən ərəblərin sayında böyük artım nəzərə çarpır.