22 Sentyabr 2017 16:08
2 731

2000-ci ildə Milli Məclis spikerinin müavini və parlamentin Hüquqi-Siyasəti və Dövlət Quruculuğu komissiyasının sədri olan, mərhum Zakir Zeynalovun oğlu Adil Zeynalov ağır xəstəlikdən əziyyət çəkir.

Bu barədə Teleqraf.com-a xəstənin yaxınları məlumat verib.

Onlar bildirib ki, Adil Zeynalov 2014-cü ildən “Mila Displastik sindrom” diaqnozu ilə Türkiyənin “Florence Nightinale” xəstəxanasında müalicə alır və bir dəfə ilik transplantasiyası olub.

Xəstəyə indiyə qədər külli miqdarda pul xərclənsə də o, hazırda ağır vəziyyətdədir:

“Adilin təkrarən ilik transplantasiyasına təcili ehtiyacı var. Lakin ailə büdcəmiz bunu həyata keçirməyə imkan vermir. Azərbaycan Prezidenti İlham Əliyev və I vitse prezident, Heydər Əliyev Fondunun rəhbəri Mehriban xanım Əliyevadan oğlumuzun xəstəliyinə dəstək olmaları üçün müraciət ünvanlamışıq. İnanırıq ki, minlərlə vətəndaşımıza sahib çıxan Mehriban xanım Adilin sağalmasında bizə də kömək edəcək”.


Müəllif: Könül