Cəbhəyanı rayonlarda internet problemi yaranıb

Bu gün səhər saatlarından etibarən Tərtər və Ağdamın internetlə təchizatında problemlər yaranıb.

Səhər 10:00-dan etibarən Tərtər və Ağdamda internet tamamilə kəsilib.

Problem bankların fəaliyyətinə ciddi təsir edib. Belə ki, internet kəsildiyindən banklarda əməliyyatlar aparmaq mümkün deyil.

Rabitə və Yüksək Texnologiyalar Nazirliyinin mətbuat xidmətinin rəhbəri Müşfiq Əmirov bildirib ki, Tərtər istiqamətində qazıntı işləri aparılarkən internet xətləri zədələnib.

“Aldığımız məlumata görə, Tərtər rayonunun dörd yol deyilən ərazisində yerli qaz idarəsi tərəfindən aparılan qazıntı işləri zamanı fiber optik xətlər zədələnib. Nəticədə Tərtər və Ağdamın bir hissəsində internet kəsilib. Nazirliyin qəza briqadası hadisə yerində çalışır”, - deyə M. Əmirov bildirib.

O əlavə edib ki, təxminən bir saat ərzində adıçəkilən rayonların internetlə təchizatı bərpa olunacaq.

/APA/