Dilarə Kazımova İçərişəhərdə fləşmob keçirdi - Foto/Video

Müğənni Dilarə Kazımova və “Zeytun Bağları” markası, Novruz Bayramı günlərində gəncləri bir araya gətirib.

Teleqraf.com xəbər verir ki, tanınmış ifaçı və təbiətimizin sovqatı olan “Zeytun Bağları” markası, milli bayramımız münasibəti ilə İçərişəhərdə fləşmob keçirib.

Bakının Dübəndi kəndində istehsal edilən Zeytun Bağları yağları, artıq ölkə sərhədlərindən kənarda da tanınır və sevilir, bütün yaşda olan insanlar üçün xeyirli olduğu qədər də hər zaman gənclərə dəstək olur.

Sosial aksiyada Dilarəyə Azərbaycan Tələbə Gənclər Təşkilatının (ATGT) üzvü olan 200 nəfərdən ibarət gənc dəstək olub. Onlar birlikdə “Novruz gəlir, yaz gəlir” mahnısını yeni aranjeman, yeni forma və üslubda ifa ediblər.

Fləşmob Boomerang Label şirkəti tərəfindən təşkil olunub.

Fləşmobun təşkilində göstərdiyi dəstəyə və şəraitə görə Azərbaycan Tələbə Gənclər Təşkilatına və İçərişəhər Dövlət Tarixi Memarlıq Qoruğu İdarəsinə (İçərişəhər DTMQ) və rəhbərliyi Riad Qasımova xüsusi minnətdarlığımızı bildiririk.

Bununla da Dilarə Kazımova və “Zeytun Bağları” markası bir neçə gündür paytaxtımızda davam edən Novruz şənliklərinə təntənəli bağlanış mərasimi edib.

Qeyd edək ki, “Novruz gəlir, yaz gəlir” mahnısının yeni aranjemanı Muxtar Abseynova mıxsusdur. Layihənin ideya müəllifi Aynur Haciyeva & Boomerang Label şirkətidir.