AQTA və QMİ-dən Qurban bayramı ilə bağlı

5 Avqust 2019 15:06

355

Qurban bayramında fəaliyyət göstərəcək stasionar və çadırtipli heyvan kəsimi məntəqələrinin siyahısı açıqlanıb.

Azərbaycan Qida Təhlükəsizliyi Agentliyindən (AQTA) Teleqraf.com-a verilən məlumata görə, Qurban bayramı günlərində Respublika üzrə 44 stasionar və 30 çadırtipli heyvan kəsimi məntəqəsi fəaliyyət göstərəcək.

AQTA bayram günlərində qurbanlıq heyvanların satışı və kəsimi ilə məşğul olan şəxslərə müraciət edərək, şəhərimizin küçələrində və yol kənarlarında antisanitar şəraitin yaradılmaması üçün onları heyvan satışı və kəsimini baytarlıq-sanitariya və gigiyena normalarına cavab verən stasionar heyvan kəsimi məntəqələrində və Qurban bayramı ilə bağlı yerli icra orqanları ilə birgə təşkil olunmuş çadırtipli kəsim məkanlarında həyata keçirməyə çağırır.

Heyvan kəsimi məntəqələri lazımi avadanlıqlar ilə təmin ediləcək.

Vətəndaşlar bayram günlərində əvvəlcədən seçim edərək, qurbanlıq heyvanları satmaq, almaq və ya kəsdirmək üçün müəyyənləşdirilmiş yerlərə müraciət edə, təşkil olunan xidmətlərdən yararlana bilərlər.

Qafqaz Müsəlmanları İdarəsi də (QMİ) qurbanın sanitariya qayda-qanunlarına ciddi əməl olunmaqla münasib yerlərdə icra edilməsini tövsiyə edir: "Qurbаn duаsının охunması məsləhətdir. Tövsiyə edərdik ki, bu müqəddəs bayram günlərində qurbanların kəsilməsi baytarlıq və sanitariya qayda-qanunlarına ciddi əməl olunmaqla münasib yerlərdə icra edilsin. Həmçinin, qurbanların azyaşlı uşaqların, habelə heyvanların gözü qarşısında kəsilməsi məsləhət deyil".

Bakı şəhəri üzrə həmin kəsim məntəqələrinin ünvanları aşağıdakı kimidir:

S/s	Rayonlar	Heyvan kəsimi və satışı məntəqələrinin ünvanları
1	Səbail rayonu	Gülbala Əliyev küçəsi (Bibiheybət Neft-Qazçıxarma idarəsinin arxası)
2		20-ci sahə (Badamdar şossesi)
3	Xətai rayonu	Zığ yolu (“Nargilə” adlanan yer və 5 saylı binanın yaxınlığında)
4		Rəsulzadə qəsəbəsi, Binəqədi şossesi
5	Binəqədi rayonu	Biləcəri qəsəbəsi , Xocəsən -Biləcəri - Binəqədi yolu (dördyol adlanan yer)
6		Binəqədi qəsəbəsi, Gülüstan massivi döngə 15 (heyvan bazarının yanı)
7		Cəfər Xəndan küçəsi 54 ("Ət pavilyonu")
8		Şərifzadə küçəsi 196
9	Yasamal rayonu	Yeni Yasamal yaşayış massivi, D.Bünyadzadə küçəsi 7
10		M.Xiyabani küçəsi 10c
11		Lökbatan qəsəbəsi ("Meyvəli" MMC-nin ərazisi)
12	Qaradağ rayonu	Aqrovest MMC (Lökbatan yolu, "Binə" ticarət mərkəzinin qarşısı)
13		"Qoç-ət" MMC , Lökbatan qəsəbəsi
14	Nizami rayonu	M.Əliyev və R.Rüstəmov küçələrinin kəsişməsi
15		"Azər-Aqro" MMC , Yeni Bakı Neftayırma Zavodu dairəsi
16		Əliyar Əliyev küçəsi 26 (“Bakı Taxıl-2” ASC-yə məxsus heyvan kəsimi məntəqəsi)
17	Nərimanov rayonu	Təbriz küçəsi ilə Ceyhun Hacıbəyli küçəsinin kəsişməsi (“Qarabağ” mehmanxanasının söküntü sahəsindəki avtomobil dayanacağı
18		Əlyar Əliyev küçəsi 36a ("Təbriz" KM, Keşlə bazarı)
19	Suraxanı rayonu	Hövsan Qəsəbəsi, Hövsan-Türkan yolu (Ticarət Mərkəzinin qarşısı)
20		Yeni Günəşli V massivi ("Günəş" Ticarət Mərkəzi)
21	Xəzər rayonu	Qala qəsəbəsi Dəmiryol stansiyası (“Lambir” müəssisənin arxası)
22		Binə qəsəbəsi, "Öz Fermamızdan" MMC
23	Abşeron rayonu	"Səhliyalı" MMC,Xırdalan şəhəri Quşçuluq massivi
24		Zabrat yolu "Azmeat" ət kəsimi məntəqəsinin qarşısındakı sahə
25		Zabrat-Kürdaxanı şossesinin sağ tərəfi
26		Zabrat-Maştağa şosesi ("Kanal" marketin yanı)
27		Bakıxanov qəsəbəsi Fətəliyev küçəsi 72
28	Sabunçu rayonu	Nardaran qəsəbəsi, Mirzəfətəli Axundzadə küçəsi 107
29		Sabunçu qəsəbəsi, Şəhər şossesi, döngə 6 ("Sabunçu" mərasim evinin həyəti)
30		Ramana qəsəbəsi, Şuşa küçəsi
31		Bilgəh qəsəbəsi, Azərbaycan qadını küçəsi
32		Sabunçu rayonu, Zabrat qəsəbəsi "Azmeat" MMC
33		Kürdəxanı qəsəbəsi, Hüsü Hacıyev küçəsi 6