12 Noyabr 2019 13:15
544
12 Punto 14 Punto 16 Punto 18 Punto

Prezident İlham Əliyev Rafiq Quliyevin Bakı şəhəri Xətai Rayon İcra Hakimiyyətinin başçısı təyin edilməsi haqqında sərəncam imzalayıb.

Teleqraf.com xəbər verir ki, sərəncamla Rafiq Çəpərxan oğlu Quliyev Bakı şəhəri Xətai Rayon İcra Hakimiyyətinin başçısı təyin edilib.

Qeyd edək ki, R.Quliyev 17 yanvar 1974-cü ildə Ermənistan Respublikası, Sisiyan rayonu, Ərəvsə kəndində anadan olub. O, 2013-cü ilin dekabrından Xətai Rayon İcra Hakimiyyəti başçısının birinci müavini vəzifəsində çalışırdı.

Xatırladaq ki, 13 dekabr 2018-ci ilə qədər bu vəzifəni Razim Məmmədov tuturdu. Həmin vaxtdan indiyədək Xətai Rayon İcra Hakimiyyətinin başçısı vəzifəsi boş idi.


Müəllif: Teleqraf.com