“Votsap”da silinən mesajları necə oxumaq olar? – İlginc üsul

“Votsap” proqramında qarşı tərəfin sildiyi və sizin görmədiyiniz mesajları oxumanın bir hiyləsi ortaya çıxıb.

Teleqraf.com xəbər verir ki, silinən mesajı oxumaq üçün proqramı mobil telefondan silib yenidən yükləmək lazım gəlir.

Keçən aylarda qarşı tərəfə göndərilən mesajı o oxumadan silmək mümkün olmuşdu. İndi isə sizin görmədiyiniz və silinən bir mesajı oxumaq mümkün hala gəlib.

Silinmiş mesajı oxumaq üçün “Votsap” proqramını silib, təkrar yükləmək lazım gəlir. Bu prosesi həyata keçirərkən, mesaj tarixçəsi yaddaşda qaldığı üçün silinən mesaj yenidən bərpa olunur.

Mesaj söhbət qutusundan silinsə belə, telefonun yaddaşına qalır.

“Votsap” şirkətinin yetkililəri bu xətanı aradan qaldırmaq üçün proqramın sistemini yenidən nəzərdən keçirməyi planlaşdırır.