Kirayə mənzil bazarında son durum

Yanvar ayı ərzində Bakıda kirayə mənzillərin qiyməti bahalaşıb.

Teleqraf.com xəbər verir ki, bu barədə "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov bildirib.

N.İbrahimov deyib ki, ay ərzində Bakıda kirayə mənzil bazarında qiymət 5.62 faiz artıb, ötən ilin müvafiq dövrü ilə müqaysədə isə artım 14.35 faiz təşkil edib:

"Ticarət obyektlərinin icarəsində isə ay ərzində 5.15 faiz azalma, il ərzində isə 4.8 artım müşahidə olunub. Kirayə mənzillərin qiymətinin artması ölkəyə turist axını ilə bağlı olub. Yanvar ayı ərzində bayramla əlaqədar ölkəyə çoxlu sayda turist gəldiyi üçün qiymət artımı müşahidə edilib".

Ekspert əlavə edib ki, növbəti aylarda kirayə mənzil bazarında qiymətlərin aşağı düşəcəyi gözlənilir.