26 Mart 2020 23:31
855
12 Punto 14 Punto 16 Punto 18 Punto

Altı yeni tibbi spirt istehsalçısı fəaliyyətini həyata keçirir, yəni istehsala başlayıblar.

Teleqraf.com xəbər verir ki, bunu Nazirlər Kabinetində Baş Nazir Əli Əsədovun sədrliyi ilə keçirilən Operativ Qərargahın iclasında İqtisadiyyat naziyi Mikayıl Cabbarov deyib.

Onun sözlərinə görə, istehsal respublikada bütün ehtiyacı ödəyəcək qədərdir:

"Hazırda çeşidlər olaraq 100, 250, 500 milli litr, 1 və 5 litr həcmində istehsal olunur. Bu gün 96 faizli spirt qalığının həcmi ölkədə 1,5 milyon litrdir. Gündəlik ehtiyaclar isə ölkənin bütün ehtiyaclarını bir neçə dəfə ödəmək imkanındadır".

Qeyd edək ki, martın 26-da Nazirlər Kabinetində Baş Nazir Əli Əsədovun sədrliyi ilə Operativ Qərargahın iclası keçirilib. clasda xüsusi karantin rejiminin tətbiqi və vətəndaşların rejimin tələblərinə əməl etməsinə dair vəziyyət, vətəndaşların müraciətləri əsasında qaldırılmış məsələlər müzakirə olunub.


Müəllif: Teleqraf.com