29 May 10:17
568

“Hazırda yayılması davam edən koronavirus infeksiyası əvvəlkindən daha az yoluxucudur”.

Teleqraf.com xəbər verir ki, bunu türk professor Tevfik Özlü deyib.

Özlü koronavirusa yoluxmalarının sayında azalmanın başladığını bildirib: “Bu, bizə deyir ki, virusun yayılması dayanır. Amma virus heç yana getməyib, vəziyyət tam normallaşmayıb. Virus bizi xəstələndirmək və öldürmək üçün fürsət gözləyir. Onunla yoxmuş kimi davranmamalıyıq. Həyat normala qayıdır, amma özümüzü qorumalıyıq.

İndiki virusun yoluxdurma gücü pandemiyanın yayılmasının başlanğıcında olan virusdan daha zəif ola bilər. Amma bununla bağlı araşdırma yoxdur. Lakin koronavirusun bəzi mutasiyalara məruz qaldığına dair araşdırmalar var. Yoluxma sayındakı azalmalar da bundan irəli gəlir.

Növbəti mutasiya da baş verə bilər. Amma mutasiya olmasa belə, virus əvvəlkindən daha az yoluxdurma potensialına malikdir”.


Müəllif: Mənsur Rəğbətoğlu