4 İyun 17:17
960

Epidemioloji statistik göstəricilər qətiyyən qaneedici deyil.

Teleqraf.com xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib:

"Bu həftədən sonra bayram günləri də daxil olmaqla, 2-3 günlük küçəyə çıxma qadağası tətbiq oluna bilər. Növbəti həftələr üçün bu barədə danışmaq çox tezdir. Bu qərarlar qəbul olunan zaman epidemoloji göstəricilər, mütəxəssislərin birgə rəyi nəzərə alınıb. Bu qadağa dünya təcrübəsində də istifadə olunur. Belə qənaətə gəlinib ki, yalnız həftə sonları küçəyə çıxma qadağasının tətbiqi kifayət deyil" .

O bildirib ki, belə qapanmalardan sonra vətəndaşlar daha çox qaydaları pozmağa meyilli olur: "Yumşalma tədbirlərinin həyata keçirilməsində epidemioloji göstəricilər nəzərə alınırdı. Baxmayaraq ki, Operativ Qərargahın tibbi bölməsi tərəfindən metodiki göstərişlər hazırlanıb, bu metodiki tövsiyələr ictimaiyyətə çatdırılıb, KİV vasitəsilə ictimai xadimlərimiz insanlara müraciət edib, amma insanlar yenə də bu tövsiyələrə əməl etməyib".

Ramin Bayramlının sözlərinə görə, hazırda yaşanan hal ikinci dalğa deyil: "Biz pandemiyanın başlama mərhələsindəyik. Biz bir qədər artım gözləyirdik, lakin statistik göstəricilər gözləmədiyimiz istiqamətdə oldu. Bu səbəblə həftə sonu tam qapanma olacaq. İnsanların zəruri ehtiyaclarını qarşılaması üçün iki gün vaxt var.

Eyni zamanda , dövlət qurumlarında cümə günü saat 14:00-dan sonra iş dayansa da, bunu tətil kimi başa düşməsinlər. Bu qayda özəl qurumlara şamil edilməsə də, onlara da tövsiyə edirik ki, iş saatını bitirmək məsələsinə baxsınlar".


Müəllif: Aysel Azad