Bu istehsalçı şirkət 800 işçi axtarır

“Toyota Motor İstehsalat Türkiyə”nin Sakaryadakı zavodu yenidən fəaliyyətə başlayır.

Teleqraf.com xəbər verir ki, koronavirus pandemiyası ilə əlaqədar bütün lazımı tədbirləri görən şirkət istehsal gücünü artırmaq və işçi qüvvəsini dəstəkləmək üçün qarşıdakı aylarda təxminən 800 yeni iş yeri təmin edəcək.

Şirkətin baş direktoru Toshihiko Kudo bildirib ki, peşə təhsili kursunda iştirak etmək istəyən namizədlər arasında kişilərə üstünlük veriləcək.

O, təlim proqramları vasitəsilə yeni işə qəbul olunanların 3 aydan 6 ay arasında əmək haqqı ödəməsi təşviqindən də faydalanacağını bildirib.