Sabah hava yağmurlu olacaq

Sabah, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.

Ekologiya və Təbii Sərvətlər Nazirliyi Milli Hidrometeorologiya Departamentindən verilən məlumata görə, gecə və səhər saatlarında yarımadanın bəzi yerlərində qısamüddətli yağış yağacağı ehtimalı var.

Temperaturun gecə 13-15, gündüz 17-21, Bakıda gecə 13-15, gündüz 18-20 dərəcə isti olacağı gözlənilir.

Azərbaycanın əksər bölgələrində yağış yağacağı, axşam və gecə bəzi yerlərdə şimşək çaxacağı gözlənilir. Bəzi yerlərdə duman olacaq.