5 İyul 13:07
420

Azərbaycanda bir neçə şəhər və rayonda tətbiq edilən sərt karantin rejiminin qüvvəyə minməsindən sonra Şəki rayonunun giriş-çıxışlarında polis postları qurulub.

Bu barədə Teleqraf.com-a Daxili İşlər Nazirliyinin mətbuat xidmətinin Şəki regional qrupundan məlumat verilib.

Məlumata görə, şəhərdə daim hərəkətin intensiv olduğu küçə və prospektlərdə hazırda boşluq müşahidə edilir.

Polis əməkdaşları və Daxili Qoşunların əsgərləri tərəfindən mərkəzi küçələrlə yanaşı məhəllə arası yollara da nəzarət edilir.

Sakinlərin əksəriyyəti tərəfindən karantin rejimi anlayışla qarşılansa da, bir neçə şəxs qaydaları pozduqları üçün barələrində qanunauyğun tədbirlər görülüb.

Qeyd edək ki, dünəndən etibarən polis əməkdaşları sakinlərlə maarifləndirici söhbətlər aparıblar, onlara sərtləşdirilmiş karantin rejiminin tələb və qaydalarını izah ediblər.


Müəllif: Hacı Zeynalov