ÜST yenidən geri addım atdı - Nəticə vermədi

Ümumdünya Səhiyyə Təşkilatı koronavirusa yoluxanların müalicəsində istifadə olunan "hidroksiklorokin" və "lopinavir-ritonavir" dərmanlarının sınaqlarını dayandırıb. QİÇS-in müalicəsində də istifadə edilən bu dərmanların koronavirus xəstələrinin ölüm hallarını azaltmadığı bildirilib. Tənqidlərin mərkəzində olan təşkilat ay yarım əvvəl də oxşar qərar qəbul edərək geri addım atmışdı.

Teleqraf.com xəbər verir ki, bu sınaqlar ÜST tərəfindən 25 mayda dayandırılsa da, 3 iyun tarixindən yenidən tətbiq olunurdu.

Hazırda verilən qərarın necə rezonans doğuracağı sual altındadır.

Təşkilat səlahiyyətliləri bildiriblər ki, 24 saat ərzində dünyada 212 000 yeni koronavirusa yoluxma faktı qeydə alınıb və bu indiyədək ən yüksək göstəricidir.