Evdə müalicə alanların nəzərinə! - Bu dərmanlar tövsiyə olunmur

Virus əleyhinə antiviral dərmanların ev şəraitində qəbulu tövsiyə olunmur.

Teleqraf.com xəbər verir ki, bunu Səhiyyə Nazirliyinin aparat rəhbəri Nadir Zeynalov Operativ Qərargahın bugünkü brifinqində deyib:

"Evdə müalicə alan şəxslərin bu dərmanlara ehtiyacı yoxdur. Mən tövsiyə edirəm ki, vətəndaşlar evdə müalicəyə cəhd etməsinlər. Vitaminlərin evdə müalicə olunan şəxslərə çatdırılması təşkil olunur".

O qeyd edib ki, apteklər Səhiyyə Nazirliyinin nəzarətində deyil: "Səhiyyə Nazirliyi dərman işi aparan depolara çatışmazlığı olan dərmanların gətirilməsi üçün tövsiyə verir. Mən bura gələndə bir neçə aptekə yaxınlaşdım və hərarət salan dərmanların olmadığını görmədim".