Dmitri Solntsev II Fəxri Xiyabanda dəfn olundu - Foto/Yeni

Şəhid Dmitri Solntsev II Fəxri Xiyabanda dəfn olunub.

Teleqraf.com-un məlumatına görə, şəhidin dəfn mərasimi yekunlaşıb

***

12:35

Azərbaycan Ordusunun şəhid olan hərbçisi Dmitri Sonçevlə vida mərasimi keçirilib.

Şəhidin bacısı oğlu Anar Süleymanov bildirib ki, dayısı sentyabrda könüllü şəkildə döyüşlərə gedib:

“Təhsilini Azərbaycan Dövlət Neft və Sənaye Universitetində alıb. Magistraturanı qırmızı diplomla bitirib. Vətənpərvər insan idi. Hətta koronavirusla mübarizə dövründə TƏBİB-də könüllü kimi çalışırdı".

Şəhidin bacısı Yuliya Sonçeva isə bildirib ki, cəbhəyə getmək onun arzusu idi: “Biz onunla fəxr edirik. Bizim baş ucalığımızdır. Hər zaman çox məsuliyyətli, gözəl insan idi".

D.Sonçev İkinci Fəxri Xiyabanda dəfn ediləcək./Report/