Amerikalı məşhur boksçu vəfat etdi

Amerikalı boksçu, orta çəki üzrə keçmiş mütləq dünya çempionu Marvin Haqler 66 yaşında vəfat edib.

Teleqraf.com xəbər verir ki, bu barədə idmançının həyat yoldaşı Kay Haqler Feysbuk səhifəsində yazıb.

Boksçunun ölüm səbəbi məlum deyil.

Marvin Haqler tarixin ən yaxşı orta çəki boksçularından biri olub. O, 1980-1987-ci illərdə mütləq dünya çempionu olub. Ümumilikdə, peşəkar rinqdə Haqler 67 döyüş keçirib. Bunlardan 62-si qələbə (52 nokaut), 3-ü məğlubiyyət və 2-si heç-heçə ilə nəticələnib.