5 May 2021 15:40
280
12 Punto 14 Punto 16 Punto 18 Punto

"Virtual Qarabağ" İnformasiya Kommunikasiya Texnologiyaları Gənclər İctimai Birliyi tərəfindən yeni "Göyçə: itirilmiş ocaq" sənədli filmi istehsal edilib.

Teleqraf.com xəbər verir ki, ekran əsəri Gənclər və İdman Nazirliyinin dəstəyi ilə ərsəyə gəlib.

Filmdə buz kimi bulaqları, yaşıl çəmənləri, uca dağların qoynundakı mavi gözlü Göyçə gölünü, ruhun qidası olan ozan – aşıq sənətini xatırladan, igid insanları və qonaqsevərliyi ilə seçilən, eyni zamanda Azərbaycan mədəniyyətinin və tarixi coğrafiyasının ən böyük itkilərindən biri olan eldən, Oğuz yadigarı – Göyçədən bəhs edilir.

Sənədli filmin ideya müəllifi və layihə rəhbəri Nurəddin Mehdiyev, ssenari müəllifləri tarixçi alimlər Nazim Mustafa, Ramin Əlizadə, rejissoru Teymur Nəcəfzadədir.

Sənədli film Azərbaycan, ingilis, rus dillərində Yutuba yerləşdirilib.


Müəllif: Teleqraf.com