Elmar Məmmədyarovun atası dəfn olundu

Akademik Məhərrəm Məmmədyarov II Fəxri xiyabanda dəfn edilib.

Teleqraf.com xəbər verir ki, vida mərasimində AMEA Rəyasət Heyətinin üzvləri, çalışdığı Neft-Kimya Prosesləri İnstitutunun kollektivi, Akademiyanın bir sıra elmi müəssisə və təşkilatlarının rəhbərləri, elmi ictimaiyyətin nümayəndələri, eləcə də mərhum alimin ailə üzvləri iştirak ediblər.

Alimin məzarı önünə Xarici İşlər Nazirliyinin rəhbərliyi və AMEA Rəyasət Heyəti və Neft-Kimya Prosesləri İnstitutu adından əklillər düzülüb.

Xatırladaq ki, akademik Azərbaycanın xarici işlər naziri Elmar Məmmədyarovun atasıdır.

Allah rəhmət eləsin!