Kəlbəcərdə şəhid olan hərbçimiz dəfn edildi - Foto/Yeni

Kəlbəcərdə şəhid olan Ayaz Azər oğlu Nəzərov dəfn olunub.

Teleqraf.com-un məlumatına görə, şəhid doğulduğu rayonun Bozalqanlı kənd qəbiristanlığında torpağa tapşırılıb.

Yaylım atəşi açılıb, şəhidin tabutu üzərində olan üçrəngli şanlı bayraq şəhidin ailəsinə verilib.

Allah rəhmət etsin!

* * *

13:49

Yanvarın 11- də Ermənistan silahlı qüvvələrinin yanvarın dövlət sərhədinin Kəlbəcər rayonu istiqamətində törətdiyi təxribat nəticəsində şəhid olan hərbi qulluqçumuz Ayaz Nəzərovla Tovuz rayonunda vida mərasimi başlayıb.

Teleqraf.com-un məlumatına görə, vida mərasimi şəhidmizin doğulduğu Bozalqanlı kəndində keçirilir.

Vida mərasimində şəhidin ailə üzvləri, hərbçilər, rayon İcra Hakimiyyətinin rəhbərliyi, Səfərbərlik və Hərbi Xidmətə Çağırış üzrə Dövlət Xidmətinin Tovuz Rayon Şöbəsinin əməkdaşları, hüquq-mühafizə orqanlarının və ictimaiyyətin nümayəndələri iştirak edir.

***

12:57

Kəlbəcərdə Ermənistan Silahlı Qüvvələrinin törətdiyi təxribat nəticəsində şəhid olan hərbi qulluqçu Ayaz Azər oğlu Nəzərovun nəşi ailəsinə təhvil verilib.

Şəhidin nəşi Tovuzun Bozalqanlı kəndindəki evinə gətirilib.

Qeyd edək ki, şəhid nişanlı idi və bir neçə gündən sonra toyu olacaqdı.

Buna görə də şəhidin anasının istəyi ilə onun yas mağarı toy ab-havasında bəzədilib. Bundan başqa, mağarın içinə toy xonçaları düzülüb.

Şəhid doğulub, boya-başa çatdığı Bozalqanlı kənd qəbiristanlığında dəfn olunacaq.

Allah rəhmət etsin!