Özbəkistanla hərbi sahədə əməkdaşlıq müzakirə olundu

Azərbaycanla Özbəkistan arasında hərbi təhsil sahəsində əməkdaşlığın inkişaf perspektivləri müzakirə edilib.

Teleqraf.com xəbər verir ki, Özbəkistan Müdafiə Nazirliyinin Hərbi kadrların hazırlanması idarəsinin nümayəndə heyəti Milli Müdafiə Universitetini ziyarət edib.

Özbəkistan hərbçilərinə Milli Müdafiə Universitetinin yaranma tarixi, təhsil sistemi və elmi fəaliyyəti haqqında brifinq təqdim olunub, müzakirələr aparılıb.

Müzakirələrdə Azərbaycan ilə Özbəkistan arasında hərbi təhsil sahəsində qarşılıqlı səfərlərin əhəmiyyəti vurğulanıb.