İş icazəsinin verilməsinə görə yeni rüsumlar müəyyənləşdi

Parlament “Dövlət rüsumu haqqında” qanuna dəyişiklik layihəsini qəbul edib.

Teleqraf.com xəbər verir ki, dəyişikliklə Azərbaycanda haqqı ödənilən əmək fəaliyyəti ilə məşğul olmaq üçün əcnəbilərə və vətəndaşlığı olmayan şəxslərə iş icazəsinin verilməsinə və müddətinin uzadılmasına görə aşağıdakı rüsumlar alınacaq:

1. on iş günü müddətində verildikdə və ya müddəti uzadıldıqda:

1 il 6 ayadək - 1600 manat;
2 ilədək - 1800 manat;
2. on beş iş günü müddətində verildikdə və ya müddəti uzadıldıqda:
1 il 6 ayadək - 1400 manat;
2 ilədək - 1600 manat;
3. iyirmi iş günü müddətində verildikdə və ya müddəti uzadıldıqda:
1 il 6 ayadək - 1200 manat;
2 ilədək - 1400 manat məbləğində dövlət rüsumu alınacaq.

Deputatlar layihə ilə bağlı hər hansı bir təklif irəli sürməyib.