FHN-də Heydər Əliyevin 100 illik yubileyinə həsr olunmuş tədbir keçirildi - Foto

Fövqəladə Hallar Nazirliyinin Mülki müdafiə qoşunlarının komandanlığında ümummilli lider Heydər Əliyevin 100 illik yubileyinə həsr olunmuş tədbir keçirilib.

Teleqraf.com xəbər verir ki, bu barədə Fövqəladə Hallar Nazirliyinin mətbuat xidmətindən məlumat verilib.

Azərbaycan Respublikasının Dövlət himninin səsləndirilməsi ilə açıq elan edilən tədbirdə, əvvəlcə ümummilli lider Heydər Əliyevin və ölkəmizin müstəqilliyi və ərazi bütövlüyü uğrunda canlarını fəda etmiş şəhidlərimizin əziz xatirələri bir dəqiqəlik sükutla yad edilib.

Sonra çıxış edənlər Dahi Şəxsiyyət, xalqımızın Ümumilli Lideri, dünya miqyaslı siyasətçi Heydər Əliyevin Azərbaycan xalqı qarşısındakı misilsiz xidmətlərindən söz açıb, onun Azərbaycan dövlətinin qurulması və inkişafı sahəsində əvəzsiz fəaliyyətindən bəhs ediblər.

Cıxışlarda bildirilib ki, ulu öndər Heydər Əliyev siyasi xəttinin layiqli davamçısı Azərbaycan Respublikasının Prezidenti, Müzəffər Ali Baş Komandan cənab İlham Əliyevin müdrik rəhbərliyi ilə rəşadətli Ordumuzun gücü, xalqımızın birliyi sayəsində 44 günlük Vətən müharibəsində Azərbaycan dövləti öz ərazi bütövlüyünü bərpa edib. Bu gün Qarabağda və Şərqi Zəngəzurda böyük tikinti, quruculuq işləri aparılır, infrastruktur layihələri uğurla icra olunur.

Tədbirin sonunda ümummilli lider Heydər Əliyevin həyat və fəaliyyətindən bəhs edən sənədli film nümayiş olunub.