Zaqatalada dönərdən zəhərlənənlərin sayı 40 nəfərə çatıb.
Teleqraf.com "Report"a istinadla xəbər verir ki, axşam saatlarından başlayaraq toyuq dönərindən zəhərlənərək Zaqatala RMX-nın Təcili Yardım Şöbəsinə müraciət edənlərin sayı 40-a çatıb.
Zəhərlənmə əlamətləri ilə müraciətlər davam etməkdədir.
***
22:06
Bu gün saat 17:40-dan başlayaraq qidadan zəhərlənmə şübhəsilə 15 nəfər (10 qadın cinsli, 5 kişi cinsli olmaqla) Zaqatala Rayon Mərkəzi Xəstəxanasının Təcili yardım şöbəsinə daxil olub.
Teleqraf.com xəbər verir ki, bu barədə TƏBİB-dən məlumat verilib.
Bildirilib ki, xəstələrin vəziyyəti orta ağır, huşları aydındır. Hazırda xəstələrin müayinə və müalicəsi davam etdirilir. Onlardan 5-i uşaqdır.