ABŞ hərbçiləri Moldovaya gəldi

ABŞ-nin texnikası və şəxsi heyəti birgə hərbi təlimlərdə iştirak etmək üçün Moldovanın paytaxtı Kişinyova gəlib.

Teleqraf.com xəbər verir ki, bu barədə ABŞ-nin Moldovadakı səfirliyi məlumat yayıb.

"Şimali Karolina Milli Hava Qvardiyasının "Boeing C-17" təyyarəsi bu səhər "Peace Shield" adlı təliminə dəstək olaraq Kişinyov hava limanına gəlib. Şimali Karolina Qvardiyasının və ABŞ-nin Avropadakı Hərbi Hava Qüvvələrinin 35 hərbi qulluqçusu Moldova Respublikasının nazirlikləri ilə əməkdaşlıq edərək fövqəladə hallar zamanı Moldova vətəndaşlarının təhlükəsizliyini təmin etmək üçün zəruri cavab taktikalarını tətbiq edəcək", - deyə qeyd olunub.