"Bu problemlə üzləşən dövlətlər bizdən konkret nəticələr gözləyir" - Muxtar Babayev

"COP29 çərçivəsində 2030-cu ilədək hədəflərin müəyyənləşdirilməsi də vacib məqamlardandır".

Teleqraf.com xəbər verir ki, bu sözləri COP29-un prezidenti, Azərbaycanın ekologiya və təbii sərvətlər naziri Muxtar Babayev konfransın açılış mərasimindəki nitqində bildirib:

"İqlim maliyyəsi üzrə məqsədlərə nail olmaq üçün səylərin birləşdirilməsi vacib haldır. Adaptasiya olunmuş maliyyə və şəffaflıq da əsas məsələdir. Bu sahədə ilk hesabat cari il ərzində təqdim ediləcək. Azərbaycan iqlim dəyişikliyi sahəsindəki nəhəng problemi həll etməklə, digər ölkələrə nümunə olmağı hədəfləyir. İqlim dəyişikliyi problemi ilə üzləşən bütün dövlətlər bizdən konkret nəticələr gözləyir. Gəlin, bu nəticələrin əldə etməsi üçün səylərimizi birləşdirək".