Gürcüstanda prezident seçkilərinin vaxtı dəqiqləşdi

Gürcüstanda yeni prezident seçkilərinin gələn ilin əvvəlində keçiriləcəyi gözlənilir.

Teleqraf.com xəbər verir ki, bu barədə ölkənin baş naziri İrakli Kobaxidze açıqlama verib.

Onun sözlərinə görə, hazırda Gürcüstanda həyat öz axarındadı, sakitçilik hökm sürür: "Parlament seçkilərinin nəticələrinə yekun vurulacaq, sonra ilk iclas olacaq. Çox güman ki, gələn il yanvarın əvvəlində prezident seçkiləri keçiriləcək. Bundan sonra həmişəki kimi ölkədə həyat davam edəcək”.