“Mega Market”də qeyri-qanuni lotereya

Qiymətli Kağızlar üzrə Dövlət Komitəsi (QKDK) nəzarət tədbirləri nəticəsində Göyçay rayonunda yerləşən “Mega Market” ticarət mərkəzinin hüquqi əsası olmadan stimullaşdırıcı lotereya təşkil etdiyi aşkarlanıb.

Komitədən Teleqraf.com-a bildirilib ki, vətəndaşlar lotereyanın qeyri-qanuni keçirildiyini nəzərə alaraq diqqətli olmalıdırlar.

QKDK tərəfindən nəzarət tədbirləri “Lotereyalar haqqında” Azərbaycan Respublikası Qanununa müvafiq olaraq davam etdirilir.