Ağcabədidə mağaza yanıb

Ağcabədidə mağazada yanğın baş verib.

Fövqəladə Hallar Nazirliyindən Teleqraf.com-a verilən məlumata görə, Ağcabədi şəhərində vətəndaşa məxsus ümumi sahəsi 600 kv.m olan geyim satışı mağazasının yanar konstruksiyaları və içərisində olan mallar 220 kv.m sahədə yanaraq yararsız hala düşüb.

Hadisə yerinə gələn Yanğından Mühafizə Xidmətinin əməkdaşlarının səyləri nəticəsində mağazanın qalan hissəsini və bitişik obyektləri yanğından mühafizə etmək mümkün olub.

Yanğın saat 05:51-də yanğınsöndürənlər tərəfindən söndürülüb.