“BakuBus”-dan xəbərdarlıq

Mart ayının 19-u bayram tədbirləri ilə əlaqədar bəzi yollarda ictimai nəqliyyatın hərəkəti müvəqqəti məhdudlaşdırılacağından “BakuBus”-a məxsus 2 və 14 saylı marşrut xətlərimiz istiqamətlərini müvəqqəti dəyişməli olacaq.

Teleqraf.com-un məlumatına görə, bu barədə “BakuBus” MMC-nin mətbuat xidmətinin rəhbəri Nuridə Allahyarova məlumat verib.

Onun sözlərinə görə, 2 saylı marşrut Yusif Səfərov küçəsi ilə hərəkət edərək “28 May” küçəsindən keçməklə Puşkin küçəsinə istiqamət alacaq, 14 saylı xətt isə Xocalı prospekti-Yusif Səfərov küçəsi-28 May küçəsi boyunca hərəkət edərək “28 May” metrostansiyasının önünə hərəkət istiqaməti götürəcək.

Naibə QURBANOVA