Zaqatalada əməliyyat: 92 çətənə kolu aşkarlandı

Zaqatalada kultivasiya yolu ilə yetişdirilən çətənə kolları aşkar edilərək götürülüb.

DİN-dən Teleqraf.com-a verilən məlumata görə, Zaqatala RPŞ əməkdaşlarının keçirdikləri əməliyyat tədbirləri nəticəsində Muxax kənd sakinləri, əvvəllər məhkum olunmuş Nazim Məmmədovun, İlqar Mahmudovun və Əliabad qəsəbə sakini Orxan Musayevin Muxax kəndi ərazisində kultivasiya yolu ilə yetişdirdikləri 92 ədəd çətənə kolu, habelə 973,4 qram həşiş və 3 kiloqram 810 qram marixuana aşkar edilərək götürülüb.