Bakıda yanğın hadisəsi

Bu gün axşam saatlarında Bakıda yanğın hadisəsi baş verib.

Teleqraf.com-un Fövqəladə Hallar Nazirliyinin (FHN) saytına istinadən verdiyi xəbərə görə, Bakının Xətai rayonunda vətəndaşa məxsus ümumi sahəsi 1750 kv. m olan (hər mərtəbəsi 875 kv. m) ikimərtəbəli mebel sexinin 2-ci mərtəbəsinin yanar konstruksiyaları və içərisində olan əşyalar 505 kv. m sahədə yanıb.

Mebel sexinin qalan hissəsi yanğından mühafizə olunub. Yanğın saat 20:11-də yanğınsöndürənlər tərəfindən söndürülüb.