Ərəb dənizində 16 milyon dollarlıq narkotik daşıyan gəmi ələ keçirildi

Britaniyanın hərbi gəmisi Ərəb dənizində 16,6 milyon dollar dəyərində metamfetamin daşıyan gəmini ələ keçirib.

Teleqraf.com xəbər verir ki, bu barədə “Al Arabia” telekanalı məlumat yayıb.

Telekanalın reportajında bildirilib ki, 2019-cu ildən Yaxın Şərqdə yerləşdirilən “HMS Montrose” hərbi gəmisi 6 saat davam edən əməliyyatdan sonra saxladığı gəmidə 870 kiloqramdan çox narkotik maddəni müsadirə edib.

Axtarış zamanı onun göyərtəsindəki gizli bölmədə külli miqdarda narkotik maddə və odlu silah aşkar edilərək götürülüb.