Gədəbəydə görünməmiş olay: kişini döyüb, qızını qaçırdılar- YENİLƏNİB

Gədəbəy rayonunda yaşayış evinə basqın olub.

Teleqraf.com xəbər verir ki, hadisə rayonun Qurudərə kəndində qeydə alınıb. Məlumata görə, kənd sakini Füzuli Aslanovun evinə basqın edilib.

10 nəfərə yaxın şəxs ev sahibi Füzuli Aslanovu döyərək onun qızını qaçırıblar. Füzuli Aslanov hadisə ilə bağlı Gədəbəy Rayon Polis Şöbəsinə şikayət edilib.

Füzulu Aslanov bildiridb ki, onun evinə basqın edən şəxslərə Vüsal adlı şəxs başçılıq edib. Vüsal adlı şəxs onun qızını evlənmək məqsədilə qaçırıb.

Teleqraf.com xəbər verir ki, Füzuli Aslanovun qızı Aytəkin Aslanova Vüsal adlı şəxslə sosial şəbəkələrdən birində tanış olublar. Məlumata görə, Aytəkin Aslanovanın 17 yaşı var.

Faktla bağlı araşdırma aparılır.

Hacı Zeynalov