Oğurluq edən şəxslər həbs edildi

Ucar şəhərində yaşayan Abid Nurməmmədovun evindən 550 manat və məişət əşyaları oğurlanıb.

Teleqraf.com xəbər verir ki, Ucar Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş şəhər sakini, əvvəllər məhkum olunmuş Rahib Xəlilov tutulub.

Ətrafında aparılmış əməliyyat tədbirləri ilə onun sentyabrın 19-da rayon sakini Kamran Həsənovun 64 manatını oğurlaması da müəyyən edilib.

Daha bir oğurluq hadisəsi Cəlilabad rayonunun Üçtəpə kəndində qeydə alınıb. Kənd sakini Vaqif Qiyasovun həyətindən 8 baş qoyun oğurlanıb. Cəlilabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş rayon sakinləri Əli Yolçuyev, Fərrux Ağazadə və Rafət Cəfərov tutulublar.

Zərdab Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində sentyabrın 17-də Nisə Məmmədovanın həyətindən 3 baş qoyun oğurlamış Bərdə şəhər sakinləri Tarıyel İsmayılov və Ramin Zeynalov tutulublar.

Hacı Zeynalov