Bakıda qadını soyan kişilər həbs edildi

Bakının Nərimanov rayonunda soyğunçuluq hadisəsi baş verib.

Teleqraf.com xəbər verir ki, naməlum şəxslər noyabrın 9-da Bakı şəhər sakini Z.Arefyevayanın içərisində 180 manat, mobil telefon və sənəd olan çantasını soyğunçuluq yolu ilə alıb.

Z.Arefyeva baş verən soyğunçuluqla bağlı Nərimanov rayon Polis İdarəsinin 17-ci polis bölməsinə müraciət edib.

Polis əməkdaşları tərəfindən cinayəti törətməkdə şübhəli bilinən Quba rayon sakini Samir Quliyev və Masallı rayon sakini Tərlan Abbasov tutulub.