Qətərdən 80 ölkə ilə bağlı qərar… - Gözlənilməz

Qətər rəhbərliyi 80 ölkə ilə viza rejimini ləğv etmək qərarına gəlib.

Teleqraf.com xarici mediaya istinadla xəbər verir ki, bununla bağlı Qətər turizm idarəsi, hava yolları və daxili işlər nazirliyi rəhbərlikləri paytaxt Dohada mətbuat konfransı keçiriblər.

Turizm idarəsinin rəhbəri Həsən əl-İbrahimi bu addımı tarixi dəyişiklik kimi qiymətləndirib. Onun fikrincə, qərar ölkəyə gələn turistlərin sayını kifayət qədər artıracaq.

Qeyd edək ki, iyunun 5-də Səudiyyə Ərəbistanı, Bəhreyn, Küveyt, BƏƏ, Misir, Liviya, Yəmən, Maldiv, Mavritaniya, Cibuti, Seneqal və Kamar adaları terrorçuluğa dəstək verdiyi ittihamı ilə Qətərlə diplomatik əlaqələri kəsib.