Bərzani Rusiyaya him-cim elədi – ABŞ radiosunda

İraq Kürd Muxtariyyətinin sabiq lideri Məsud Bərzani ABŞ-ın NPR radiosuna açıqlama verib.

Teleqraf.com-un məlumatına görə, o, ABŞ-ın kürdlərə dəstək verməməsindən təəssüfləndiyini bildirib:

“ABŞ hər zaman kürdlərin yanında olub. Vaşinqtonun İraq güclərinin hücumuna göz yumacağını gözləmirdik. Düşünürəm ki, ABŞ-la əlaqələrimizə nəzər yetirməliyik”.

Bərzani açıqlamasında Rusiyanın İraq Kürdüstanındakı referendumu dəstəklədiyini deyib: “Fikrimcə, Rusiya ABŞ-dan daha yaxşı dostdur”.

Qeyd edək ki, İraq Kürd Muxtariyyətində qondarma müstəqillik referendumu bu il sentyabrın 25-də baş tutub. Nəticələrin açıqlanmasından sonra İraq ordusu Kürdüstana hücum edərək, bu bölgədə nəzarəti bərpa edib.