Misirdə terror: Yüksək rütbəli zabitlər öldürüldü

Misirin Şimali Sina vilayətinin Əl-Əriş şəhərində orduya məxsus hərbi avtomobil silahlı hücuma məruz qalıb.

Teleqraf.com xarici mediaya istinadla xəbər verir ki, hücum nəticəsində aralarında polkovnik Əhməd əl-Kəfravi və polkovnik- leytenant Məhəmməd əl-Bəşir olmaqla, 7 hərbçi ölüb, çoxlu sayda yaralı var.

Yaralıların bəzisinin vəziyyətinin ağır olduğu bildirilir.

Ölkənin şimalındakı Sinada 2014-ci ilin noyabrında İŞİD-ə itaət etdiyini elan edən Ənsar beyt əl-Makdis təşkilatı kimi bir sıra silahlı qruplaşmalar mövcuddur.